Дүниежүзілік туризм күні қарсаңында Бурабай ауданының әкімі туризм саласының өкілдері мен ардагерлерімен кездесті.

«Еліміздің Президенті Қасым-Жомарт Тоқаев өз Жолдауында: “Туризмді, әсіресе эко- және этнотуризмді экономиканың маңызды саласы ретінде дамытуға айрықша көңіл бөлу қажет” деп атап өтті. Бұл сөздер туризм саласын дамытуға кешенді түрде қараудың қажеттілігін айқындайды. Мұнда экология мәселелері, мұраны сақтау және қызмет көрсету деңгейін арттыру ерекше мәнге ие», – деп кездесуге қатысушыларға арнаған сөзінде Арай Садыков атап өтті.

Кездесу соңында аудан әкімі сала қызметкерлеріне атқарған еңбектері мен өңірді дамытуға қосқан үлестері үшін алғысын білдіріп, денсаулық, амандық және кәсіби табыстар тіледі.