Құрметті Бұланды ауданының тұрғындары!

Қазақстан Республикасы Президентінің 2016 жылғы 5 ақпандағы № 190 "Орталық атқарушы органдар басшыларының, әкімдердің, ұлттық жоғары оқу орындары ректорларының халыққа есеп беру кездесулерін өткізу туралы" Жарлығын іске асыру, сондай-ақ пандемия кезеңінде азаматтардың қауіпсіздігін қамтамасыз ету және санитарлық-эпидемиологиялық талаптарды сақтау мақсатында 2021 жылғы атқарған жұмыстары туралы ауылдық округ әкімдерінің халық алдындағы есеп беру кездесулері бекітілген кестеге сәйкес онлайн режимде аудан әкімдігінің @bulandy_audanynyn_akimdigi парақшасында өткізіледі.

Онлайн кездесулерді өткізу уақыты туралы анонс алдын ала жарияланатын болады. Егер сізде қандай да бір сұрақтарыңыз, тілектеріңіз немесе ұсыныстарыңыз болса, ауылдық әкімдіктер ғимараттарындағы арнайы жәшіктерге жазбаша түрде жібере аласыз.