Ақмола облысында материалдық залалды бағалау жұмыстары аяқталу сатысында
Ақмола облысында су тасқынынан зардап шеккен халыққа көмек көрсету жұмыстары жалғасуда.
Өңірде 1626 жәбірленушіге біржолғы көмек толық көлемде төленді, залалды өтеу үшін 1818 үй зерттелді, деп хабарлайды ішкі саясат басқармасы.
Үйлері жөндеуге жатпайтын тұрғындар үшін тұрғын үй сатып алу жұмыстары да басталды.
Жақында ғана Ақмола облысының әкімі Марат Ахметжанов Атбасар ауданынан 27 отбасына және Көкшетау қаласынан 13 отбасына кілттерін табыстады.
"Мемлекет басшысының тапсырмасын орындау аясында біз үйлері табиғи апаттан зардап шеккен және тұрғын үйге жарамсыз болған азаматтарға пәтер кілттерін табыстауды жалғастырамыз. Бұдан басқа, біз залалды өтеу, біржолғы көмек төлеу және тағы басқалар бойынша барлық шараларды қабылдап жатырмыз. Үйлерді, бүлінген инфрақұрылымды қалпына келтіру бойынша үлкен жұмыс күтіп тұр", - деп атап өтті өңір басшысы.
Кілттерді алғандардың қатарында Борисовка ауылының тұрғыны Наталья Заика бар. Көп балалы ана су тасқынынан қауіпсіз жерде жаңа үйді таңдады.
"Қайғылы оқиғадан кейінгі алғашқы күндері біз барлық мемлекеттік органдардың көмегі мен қамқорлығын сезіндік. Қазақстан президенті Қасым-Жомарт Тоқаевқа көмектескені үшін алғыс білдіргім келеді. Біз ешқашан қиындықпен жалғыз қалмаймыз деген үміт қалдырған емеспіз", – деп ризашылығын білдірді бақытты қоныстанушы.
Жалпы, Көкшетау және Атбасар қалаларында 53 пәтер, сондай-ақ Астрахан ауданында 4 үй сатып алынды.
Бұл жұмыс жалғасады. Жергілікті билік әр аймақтағы тұрғын үй құнына байланысты қауіпсіз аймақта 161 үйді сатып алуды жоспарлап отыр.
Су тұрғын үйге зиян келтірген сегіз аудандағы 169 тұрғын үй жөнделді.
Аудан әкімдіктерінің жоспарларында үйлері жүйелі түрде су басуға ұшырайтын халықты қоныстандыру үшін үйлер салу жоспарлануда. Ағымдағы жылдың мамыр айының соңында Атбасар қаласында бір 100 пәтерлі тұрғын үй, Бұланды және Жарқайың аудандарында 87 жеке үй құрылысы басталады.
Сонымен қатар, жергілікті билік Облыстың жол және инженерлік инфрақұрылымын қайта жаңғыртуы керек. Осы мақсаттарға қаражат Үкімет резервінен бөлінетін болады. Вице-премьердің тапсырмасы бойынша автожолдарды, Көпірлер мен электр желілерін қалпына келтіру жұмыстары осы жылдың шілде айында аяқталуы тиіс.