Назар аударыңыз! ЖАБАЙ, ЕСІЛ, ЖЫЛАНДЫ, ШОРТАНБАЙ,ӨЗЕНДЕРІНДЕ, ЖАРЫЛЫС ЖҰМЫСТАРЫ ӨТКІЗІЛЕДІ.

   ҚҰРМЕТТІ АТБАСАР АУДАНЫНЫҢ ТҰРҒЫНДАРЫ МЕН ҚОНАҚТАРЫ!

     Ақмола облысының су объектілерінде мұзды қопсыту және ұсақтау бойынша жарылыс жұмыстарын жүргізудің бекітілген кестесіне сәйкес 2024 жылғы 15-17 наурыз аралығында Атбасар, Шуйское, Новосельское, Смирновка, Пригородное, Магдалиновка, Сергеевка, Ащыкөл, Полтавка, Самарка, Титовка, Покровка, Борисовка, Садовое, Сепе елді мекендері маңындағы өзен арналарында жарылыс жұмыстарын өткізу жоспарланған.

Аталған кезеңде аталған елді мекендердің жанында жарылыстар естіледі, ал жергілікті жерлерде жарылыстар мен өзендердің ашық учаскелерінде мұз кесектерінің үйінділері болады.

Осыған байланысты, Сіздерден дүрбелеңге түспеуіңізді сұраймыз, бұл іс-шаралар су тасқыны кезеңіне дайындық шеңберінде, кептеліс құбылыстарын азайту және су тасқынын кедергісіз өткізу үшін өткізіледі!

Жазатайым оқиғаларды болдырмау мақсатында осы учаскелерде және олардың маңында жарылыс жұмыстарын жүргізгеннен кейін мұз үстімен жүруге тыйым салынады!

Ата-аналардан,  балаларға бақылау жүргізуді күшейтуді сұраймыз. Мұз жарылысы кезінде балаларды ересектердің бақылауынсыз өзенге жібермеңіз.

Төтенше жағдай кезінде  101 немесе 112 нөміріне хабарлаңыз.