Астрахан ауданында жұмысшы мамандықтар жылын қолдау мақсатында "Маманым – мақтанышым" командалық байқауы өтті

Қазақстан Республикасының Президенті Қасым-Жомарт Тоқаевтың 2025 жылды жұмысшы мамандықтар жылы деп жариялаған ел халқына Жолдауына сәйкес Астрахан ауданында еңбек адамының мәртебесін арттыруға бағытталған маңызды іс-шара өтті.

Тілдерді дамыту, дене шынықтыру және спорт бөлімінің "Тілдерді оқыту орталығы" КММ ұжымы "Маманым – мақтанышым"атты командалық конкурс ұйымдастырып, өткізді. Іс-шараның мақсаты-жұмысшы мамандықтарының маңыздылығын көрсету және еңбек адамдарына ризашылық білдіру.

Конкурсқа әр түрлі қызмет салаларын ұсынатын 5 команда қатысты: аспаздар, полиция бөлімінің қызметкерлері, құтқарушылар, дәрігерлер мен педагогтар. Байқауға әр команда дайындықтың, жауапкершіліктің және шығармашылықтың жоғары деңгейін көрсеткен 5 кезең кірді.

Іс-шара жылы және шабыттандыратын атмосферада өтті, көрермендердің қызығушылығын тудырды және қазылар алқасының мүшелерінен оң пікірлер алды. Байқау қорытындысы бойынша қатысушылар грамоталармен және естелік сыйлықтармен марапатталды. Сондай-ақ, қазылар алқасының мүшелері құттықтау сөз сөйлеп, командаларға белсенді қатысқандары және жоғары деңгейдегі сөз сөйлегендері үшін алғыстарын білдірді.

Ұйымдастырушылар қызметкерлер конкурсқа ынтамен қатысып, оны сәтті өткізуге үлес қосқан бөлімдер мен мекемелердің басшыларына ерекше алғыстарын білдірді.