Астрахан ауданында «Адал ұрпақ» мектеп клубтарының слеті өтті

Қазақстанда сыбайлас жемқорлыққа қарсы мәдениетті қалыптастыруға бағытталған мемлекеттік әлеуметтік тапсырыс аясында Астрахан аудандық Мәдениет үйінде «Адал ұрпақ» мектеп клубтарының аудандық слеті өтті.

Іс-шараға белсенді әрі дарынды оқушылар қатысып, өздерінің дайындық деңгейін, шығармашылық қабілеттерін және азаматтық ұстанымдарын жоғары деңгейде көрсетті.

Байқау нәтижесі бойынша:
1 орын – Новочеркасское ауылдық жалпы білім беретін мектебі. Жеңімпаздар дипломдармен және 60 000 теңге көлеміндегі сертификатпен марапатталды.
2 орын – Астраханка ауылының №1 гимназия мектебі, оқушыларға дипломдар мен 50 000 теңге көлеміндегі сертификат табысталды.
3 орын – Астраханка ауылының №2 жалпы орта мектебі, қатысушылар 40 000 теңгелік сертификатпен және дипломдармен марапатталды.