«Азаматтарға арналған үкімет» мемлекеттік корпорациясы» Ақмола облысы бойынша филиалы жаңадан салынған нысандарды құқықтық кадастрда тіркеу қажеттігін еске салады

«Азаматтарға арналған үкімет» мемлекеттік корпорациясы» Ақмола облысы бойынша филиалы өңір тұрғындарына: жаңа тұрғын үйге меншік құқығын тану үшін оны Қазақстан Республикасының құқықтық кадастры жүйесінде мемлекеттік тіркеуден өткізу қажеттігін еске салады.

Тіркеу - бұл нысанның заңдық тазалығын және меншік иесінің мүліктік құқықтарын сенімді қорғауды қамтамасыз ететін міндетті рәсім. Тіркеуге мыналар кіреді:

кадастрлық нөмір (нысанның бірегей сәйкестендіргішін) беру;
техникалық сипаттамаларды енгізу (ауданы, қабаттылығы, материалдары және т.б.);
меншік құқығын ресми түрде бекіту.

Құқықтық кадастрға деректер енгiзiлмей жылжымайтын мүлiкпен: сатып алу-сату, сыйға тарту, кепiлге беру немесе мұраны ресiмдеу мәмiлелерiн жүзеге асыру мүмкiн емес.

Тіркеу тәртібі:

Электрондық үкімет порталы арқылы өтініш беру немесе объектінің орналасқан жері бойынша ХҚКО жүгіну.
Қажетті құжаттарды ұсыну: объектіні пайдалануға беру актісі, жер учаскесіне сәйкестендіру құжаты, жеке куәлік және қызмет ақысын төлегені туралы түбіртек.
Нысанның бекітілген жобалық құжаттамаға сәйкестігін тексерудің аяқталуын күту.
Құқықтық кадастр жүйесіне деректерді енгізілгендігі туралы растаманы алу. Бұл неге маңызды:

мемлекеттік тіркеу меншік құқықтарын қорғауға кепілдік береді;
объектімен кез келген мәмілелердің ашықтығы мен заңдылығын қамтамасыз етеді;
кейінгі операциялар - салық салу, коммуналдық қызметтерді қосу, ипотеканы ресімдеу үшін негіз болады.

«Азаматтарға арналған үкімет» мемлекеттік корпорациясы» Ақмола облысы бойынша филиалы азаматтарды меншік құқығын бекіту және болашақта заңдық тәуекелдерді болдырмау үшін жаңадан салынған жылжымайтын мүлік нысандарын уақытылы тіркеуге шақырады.