Ұлттық жобалар туралы

Премьер-Министрдің орынбасары Алтай Көлгінов Ақмола облысына жұмыс сапары аясында "Фостерлік отбасылар", "Ауыл Аманаты", "Ауылдық денсаулық сақтауды жаңғырту", "жайлы мектеп", дуальды оқыту бағдарламаларының іске асырылу барысымен танысты.

Вице-премьер Алтай Көлгінов Ақкөл ауданында аудан әкімі Юрий Курушиннің сүйемелдеуімен балаларды қолдау орталығына барды, онда еліміздегі алғашқы кәсіби асырап алушы отбасыларды құру бойынша "Фостер отбасылары" пилоттық жобасы іске қосылды.

"Бұл жоба өте маңызды. Біз оны сапалы жүзеге асыру үшін бар күшімізді салуымыз керек. Біздің міндетіміз ата-анасының қамқорлығынсыз қалған балаларды отбасында өмір сүріп, тәрбиеленуі үшін әлеуметтендіру. Білім министрлігі тарапынан, оның ішінде нормативтік базалар бойынша барлық қажетті қолдау көрсетілетін болады", - деді вице-премьер Алтай Көлгінов.

Сондай-ақ, Премьер-Министрдің орынбасары "Ауылдық денсаулық сақтауды жаңғырту" жобасы аясында Ақкөл аудандық ауруханасының қызметімен танысты. Ғимарат күрделі жөндеуді және жаңартуды қажет етеді. Ақмола облысында ұлттық жоба аясында барлығы 38 медициналық-санитарлық көмек нысаны салынады, бірқатар ауданаралық ауруханаларға күрделі жөндеу және жаңғырту жүргізіледі. Сондай-ақ, медициналық көмектің қолжетімділігін арттыру мақсатында Көкшетау қаласында 630 төсектік көпбейінді облыстық аурухана салынады.

Бұған дейін Вице-премьер Алтай Көлгінов Жамбыл, Ақтөбе, Маңғыстау облыстарында болған.

 

Аудан әкімінің баспасөз қызметі