Ақпарат 2026 жылдың бірінші жартыжылдығында Ақкөл ауданының әкімімен халықпен кездесулер өткізу туралы

Аудан әкімі Б. Әбдірахманов Азат ауылының тұрғындарымен есептік кездесу өткізді. Кездесу барысында елді мекенді дамытудың өзекті мәселелері талқыланды. Тұрғындар өздерін толғандырған сұрақтарын қойып, ұсыныстарын білдіріп, ауылды абаттандыру және әлеуметтік-экономикалық дамыту мәселелері бойынша пікірлерімен бөлісті. Кездесу қорытындысы бойынша аудан әкімі азаматтарды жеке қабылдады.

Жұмыс сапары аясында аудан әкімі салынып жатқан мәдени-спорт кешеніне барып, құрылыс жұмыстарының барысымен танысты. Ол аталған нысанның ауылдың әлеуметтік инфрақұрылымын дамытудағы маңыздылығын атап өтіп, құрылыс жұмыстарын сапалы әрі белгіленген мерзімде аяқтау қажеттігіне назар аударды.