Жетісу облысының әкімі Б.Исабаевтың төрағалығымен Терроризмге қарсы комиссияның кезекті отырысы өтті.
Іс-шараға ТҚК құрамына кіретін мемлекеттік органдардың басшылары қатысты.
Отырыс барысында комиссия жоспарының 1 тоқсандағы терроризм тұрғысынан осал объектілерді қорғау бойынша атқарған жұмыстарының нәтижелері талқыланды.
Терроризмнің алдын алу және радикалды идеологияның таралуына жол бермеу бағытындағы алдағы тоқсандағы іс-шаралар жоспары қарастырылды.
Жастар арасында терроризмнің алдын алу жұмыстарын жетілдіру бойынша шаралар әзірленді.
Сондай-ақ, ҚР Президенті Әкімшілігінің тапсырмасына сәйкес «жалған терроризм» көріністеріне қарсы іс-қимыл шараларын жетілдіру мақсатындағы міндеттер нақтыланды.
Отырыс нәтижесі бойынша барлық мемлекеттік органдарға тиісті тапсырмалар берілді.
Материал Жетісу облысы бойынша Терроризмге қарсы комиссия аппаратының ақпараты негізінде дайындалды