Мектеп – саналы көзқарас пен қауіпсіздік аймағы

Абай облысының Үржар ауданындағы білім беру ұйымдарында жас ұрпақтың бойында қоғамдық тұрақтылықты нығайтуға және деструктивті идеологияларға қарсы тұруға бағытталған берік өмірлік ұстанымдарды қалыптастыру бойынша жүйелі жұмыстар жалғасуда.
Аудан мектептерінде жастар арасында діни экстремизм мен терроризмнің алдын алу, сондай-ақ оқушылардың сыни ойлау қабілетін дамытуға бағытталған ақпараттық-түсіндіру тобы мүшелерінің қатысуымен кездесулер өтті.
Жиын барысында мамандар оқушыларға интернет кеңістігінен туындайтын заманауи қауіптер туралы ауқымды ақпарат ұсынды. Радикалды ұйымдардың әлеуметтік желілерді, мессенджерлер мен түрлі онлайн платформаларды пайдалану арқылы жастарды деструктивті идеологияға тартатыны атап өтілді. Оқушыларға арбау және сананы манипуляциялау тәсілдері, ақпарат көздерін тексерудің маңыздылығы және күмәнді интернет-ресурстарға сенбеу қажеттігі түсіндірілді.
Сонымен қатар спикерлер рухани-адамгершілік тәрбиеге ерекше назар аударып, ұлттық дәстүрді құрметтеудің, отбасылық құндылықтарды сақтаудың және мәдени мұраны бағалаудың маңыздылығын атап өтті. Бұдан бөлек, жеке жауапкершілік пен дұрыс өмірлік бағыт таңдаудың маңызы сөз болды.
Кездесулер ашық диалог форматында өтіп, жас тыңдаушылар талқылауға белсене қатысты, дін, интернет және жеке қауіпсіздік мәселелері пікір алмасты. Қалыптасқан сенімді атмосфера маңызды ақпаратты түсінікті түрде жеткізуге мүмкіндік берді.
Кездесу соңында бейбітшілік, қоғамдық келісім мен рухани тұрақтылық қазіргі қоғамның басты құндылықтары екені атап өтілді. Оларды сақтау әрбір азаматтың, әсіресе жастардың саналы ұстанымына байланысты. Тек білім, өзара түсіністік және дәстүрді құрметтеу арқылы қауіпсіз орта қалыптастырып, тұрақты болашақ құруға болады.

Материал Абай облысы бойынша ТҚК
аппаратының ақпараты негізінде дайындалды