Шымкентте терроризмге қарсы оқу жаттығулар өтті

Шымкентте Сайрам тұрғын алабы мен халықаралық әуежай аумағында құқық қорғау құрылымдарының ықтимал қауіп-қатер жағдайларында әрекет етуге дайындық деңгейін тексеруге бағытталған жоспарлы терроризмге қарсы оқу-жаттығулар өткізілді.
Оқу-жаттығуларға полиция, арнайы бөлімшелер, авиациялық қауіпсіздік қызметі, өрт сөндіру және құтқару бөлімшелері мен медициналық қызметтердің күштері мен құралдары тартылды.
Сондай-ақ шартты бұзушыны бейтараптандыру, адамдарды эвакуациялау және нысандардың қауіпсіздігін қамтамасыз ету сценарийлерін әзірлеу үшін қажетті арнайы техника пайдаланылды.
Оқу-жаттығулардың негізгі мақсаты – төтенше жағдай туындаған кезде әрекет ету алгоритмдерін пысықтау, ведомстволар арасындағы өзара іс-қимылды үйлестіру, сондай-ақ жедел әрекет ету алгоритмдерін тексеру болды.
Іс-шаралардың қорытындысы бойынша барлық тартылған қызметтер қоғамдық қауіпсіздікті қамтамасыз ету және ықтимал қауіптерге ден қою бойынша міндеттерді орындауға дайындықтарын көрсетті.
Жаттығулар тұрақты режимде, ешқандай бұзушылықсыз және барлық қауіпсіздік шараларын сақтай отырып өтті.

 

Материал Шымкент қ. ТҚК
ақпараты негізінде дайындалды