Арыс қаласы ақпараттық түсіндіру жұмыстарымен қамтылды

Арыс қаласында қала тұрғындарымен және Қабылсай, А.Тілеубердин, Б.Онтаев атындағы жалпы білім беретін мектептердің оқушылары мен ұжымдарына қатысты экстремизм мен терроризмге қарсы ақпараттық түсіндіру жұмыстары жүргізілді.
Іс-шараның басты мақсаты – қоғамда экстремистік және террористік идеологиялардың алдын алу және азаматтардың теріс көзқарастарға қарсы иммунитетін қалыптастыру болып табылады.
Кездес барысында тұрғындарға экстремизм мен терроризмнің қазіргі қоғамға тигізер қаупі түсіндіріліп, олардың алдын алу бойынша құқықтық және әлеуметтік тетіктері таныстырылды.
Кездесуге арнайы шақырылған ақпараттық насихаттық топ мүшесі Б.Абдрахман «Экстремизм мен терроризм – тек қауіпсіздікке ғана емес, ұлттың бірлігі мен рухани тұтастығына да қатер төндіреді. Теріс идеология жақтастары ең алдымен сауаты төмен жастарды өз қатарына тартуға тырысады. Сол себепті, әр азамат өз білімін арттырып, күмәнді насихаттан аулақ болуы қажет», - деп тілге тиек етті.
Сонымен бірге, кезедсуде экстремизм мен терроризмге қарсы күресте азаматтық қоғамның рөлі аталып өтті.
Аталған бағытта спикерлер «Әрбір тұрғын қоғамдағы күмәнді әрекеттерге бейжай қарамай, тиісті органдарға хабарлауы қажет. Бұл қылмыстың алдын алудың ең тиімді жолы. Жастардың әлеуметтік желілерде теріс идеологияның құрбаны болмауы үшін ата-аналар мен ұстаздардың бақылауы маңызды», - деп түсіндірді.
Радикалды бағыттағы ақпараттардан қорғану үшін медиасауаттылықты арттыру қажеттілігін баса айтты.
Террористік қауіп туындаған кезде жасалуы тиіс алгоритм реттілігі түсіндіріліп, ҰҚКД-мен дайындалған бейнематериалдар көрсетілді.
Кездесу қорытындысымен қатысушылар тарапынан сұрақтар қойылып, тұщымды жауаптар берілді.
Кездесуге барлығы 200-ге жуық қала тұрғындары мен мектеп оқушылары және ұстаздар қатыстырылды.

Материал Түркістан облысы ТҚК
аппаратының ақпараты негізінде дайындалды