Терроризмнің алдын алу – ел қауіпсіздігінің кепілі

Түркістан облысының әскерге шақырылушы азаматтарына «Терроризмнің алдын алу – ел қауіпсіздігінің кепілі» тақырыбында жалпы кездесу өткізілді.
Іс-шараның негізгі мақсаты – жастардың экстремизм мен терроризмге қарсы тұра алатын құқықтық, ақпараттық және рухани иммунитетін қалыптастыру, сонымен қатар, олардың патриоттық сана-сезімін күшейту болып табылады.
Іс-шара барысында ҰҚКД ТҚО бөлімінің қызметкерлері, құқық қорғау және арнайы шақырылған ақпараттық насихаттық топ мүшелері сарбаз атанғалы отырған жастарға терроризм мен экстремизмнің қоғамға тигізер кері әсері туралы жан-жақты түсініктеме берді.
Спикерлер өз сөздерінде «Экстремизм мен терроризм – бұл тек құқықтық мәселе ғана емес, бұл ұлттық қауіпсіздікке төнген идеологиялық және ақпараттық соғыс» деп атап өтті.
Сонымен қатар, облыстық ақпараттық түсіндіру тобының мүшесі Ж.Жорабек жастарға радикалды идеологияның интернет желісі арқылы таралу жолдарын түсіндіре келе «Кейбір әлеуметтік желі платформаларында террористік ұйымдар жастарды манипуляциялаудың түрлі әдістерін қолданады. Бұл ақпараттық шабуылдарға қарсы тұрудың жалғыз жолы – сыни ойлау мен құқықтық сауаттылық» деп тілге тиек етті.
Кездесу барысында экстремизм мен терроризм туралы жан-жақты толық баяндалды.
Кездесуге қорытындысымен қатысушылар тарапынан сұрақтар қойылып, өз жауаптарын алды.
Іс-шараға барлығы 100-ден астам әскерге аттанушы жастар қатысты.

Материал Түркістан облысы бойынша ТҚК
аппаратының ақпараты негізінде дайындалды