Экстремизм мен терроризмге бірге қарсымыз

Әулиекөл ауданында Қостанай облысы халықтың діни сауаттылығын арттыруға және тұрақты құндылық бағдарларын дамытуға бағытталған діни экстремизмнің алдын алу жобасы іске асырылуда.
Оған білім беру іс-шаралары, халықтың әртүрлі топтарымен кездесулер кіреді. Жобаны «Әулиекөл ауданы әкімдігінің ішкі саясат бөлімі» ММ тапсырысы бойынша «Қостанай облысының психологтар қауымдастығы» қоғамдық қоры жүргізеді.
Жоба аясында ауыл шаруашылығы колледжінің студенттерімен, «Болашақ» спорт кешенінің еңбек ұжымымен және пробация қызметі бөлімінің есебінде тұрған адамдармен кездесулер өтті.
А.Байтұрсынұлы атындағы Қостанай өңірлік университетінің профессоры, запастағы полиция полковнигі Дәурен Тойматаев терроризмнің алғышарттары ретінде діни фанатизм құбылысы туралы айтты. Д.Тойматаев қатысушыларға қазіргі әлемдегі діни экстремизм өзінің ауқымы, болжамсыздығы, қоғамдық - саяси және моральдық проблемалардың салдары бойынша ең қауіпті болып табылатындығын атап өтті.
Деструктивті діни ағымдар қоғамдық қауіпсіздікке, неке және отбасы институтына, адамның физикалық және психикалық денсаулығына қауіп төндіретіндігін тілге тиек етті.
Профессор олардың ізбасарлары Қазақстанда тұратын барлық этностардың ұлттық құндылықтары мен әдет-ғұрыптарын жоққа шығаратынын атап өтті. Олар зайырлы өмір салтына агрессивті, мемлекеттік мерекелер мен мемлекеттік рәміздерді құрметтемейді.
Сондай-ақ, кездесуде білім мен діни сауаттылықтың, сондай-ақ мейірімділік, адамгершілік және адалдық сияқты адами құндылықтардың маңыздылығы жайлы сөз қозғалды.

Материал Қостанай облысы бойынша ТҚК
аппаратының ақпараты негізінде дайындалды