Колледж қызметкерлері үшін радикалды экстремизм мен терроризм және өрт жағдайында әрекет ету бойынша кеңес өткізілді

Ағымдағы жылдың 23 кыркүйегінде Алматы қаласының ТҚО бөлімінің қызметкерлерімен қаладағы Евразиялық Агро-Техникалық колледжінде білім беру ұйымының қызметкерлері мен инженерлік-педагогикалық құрамына арналған кеңес өтті.
Іс-шара тақырыбы – «Террористік акт және өрт қаупі туындаған жағдайда білім беру ұйымының қызметкерлері мен педагогтердің іс-қимыл алгоритмі» болды.
Кеңес барысында қатысушылар:
⦁ күдікті заттар (жарылғыш құрылғылар) табылған жағдайда;
⦁ телефон арқылы немесе жазбаша түрде қауіп туралы хабар алынған кезде;
⦁ қарулы шабуыл, террористік әрекет немесе кепілге алу жағдайында
қандай әрекет ету қажеттігімен танысты.
Сондай-ақ, білім беру мекемесі қызметкерлері мен инженерлік-педагогикалық құрамы төтенше жағдайларда білім алушылар мен тәрбиеленушілердің қауіпсіздігін қамтамасыз етуге бағытталған нақты іс-қимыл алгоритмдерін меңгерді.
Іс-шара соңында қатысушыларға терроризм қаупі немесе өрт жағдайында әрекет ету тәртібі туралы ақпараттық бюллетеньдер таратылды.
Бұл кеңестің негізгі мақсаты – оқу орнының қауіпсіздігін арттыру және төтенше жағдайлардың алдын алуда білім беру ұйымының персоналының дайындық деңгейін күшейту.

Материал Алматы қаласы бойынша ТҚО бөлімінің
ақпараты негізінде дайындалды