Мегаполис мұғалімдеріне терроризмнің алдын алу мақсатында ата-аналармен түсіндіру жұмыстарын жүргізу тапсырылды

Телефондық терроризм – зиянсыз бұзақылық емес. Бұл – қауіпті қылмыс.
Жалған терроризм бейбіт тұрғындар арасында дүрбелең тудырып, полиция, өрт сөндіру және басқа да шұғыл қызметтердің жұмысын тоқтатуы мүмкін. Осы себепті Алматы мұғалімдеріне жаңа оқу жылы қарсаңында телефон терроризмінің алдын алу мақсатында ата-аналармен түсіндіру жұмыстарын жүргізу тапсырылды. 
Осы мақсатта WhatsApp желісі арқылы сынып жетекшілері ата-аналарға түсіндіру әрі ескерту сипатындағы  бейне-ролик жолдап, онымен танысып шығуға шақырды.
Дайындалып жатқан терроризм актiсi туралы көрiнеу жалған хабарлау үшін 5000 айлық есептік көрсеткішке дейінгі мөлшерде айыппұл салынады немесе 5 жылға дейінгі мерзімге бас бостандығынан айырумен жазаланады.
Әрбір телефон террорисі жазаланатын болады!

 

Материал Алматы қаласы бойынша

ТҚК аппаратының ақпараты негізінде дайындалды