Терроризм және оның зардаптары зағип жандарға түсіндірілді

Алматыда ағымдағы жылдың 26 тамызында көзі көрмейтін және әлсіз көретін азаматтарға арналған арнайы кітапханасында, қатысушыларға «Терроризм» туралы тереңірек түсінік беріліп, олардың санасына және қоғамға ірткі салатын дәстүрлі емес, теріс пиғылды діни ағымдардан сақтанудың жолдарын жастарымыздың санасына ұғындыру, оның түрлерін, себептерін және зардаптарын түсіндіружұмыстары жүргізілді. 

Дәстүрлі діндерді дұрыс түсіндіру қай уақытта да өзінің өзектілігін жоғалтпайтын іс. Дінді дұрыс түсіне білу елді бірлікке шақырады, ал дінді дұрыс түсіне алмау қоғамда түрлі алауыздыққа жол ашады. 
Терроризм мен экстремизм – адамзаттың қас жауы. Терроризм – татулық пен бейбітшілікті негіз еткен мемлекетті күйретуге ықпал ететін бірден – бір жаһандық мәселе. Олардың көздеген мақсаты – қоғам қауімсіздігін тәрк ету. Яғни, адамдардың өмірі мен денсаулығына залал келтіру. Сондықтан да мұны көп объектілі қылмыс түріне жатқызады.
Терроризм екіге бөлінеді: объективті – ол, өрт қою, адамдар көп шоғырланған жерлерде жарылыс жасау, т.б іс-әрекеттер. Ал, субъективті жағы, терроризм тек қана тікелей қасақана ниетпен жасалады – деп атап кетті Алматы қаласының Дін істер жөніндегі маманы Алимгожинов Шыңғыс.

 

Материал Алматы қаласы бойынша

ТҚК аппаратының ақпараты негізінде дайындалды