Экстремизм мен киберқылмыстың алдын алу бойынша кездесу өткізді

Ағымдағы жылдың 25 тамызында Алматы қаласының ҰҚК мен Полиция Департаментерінің қызметкерлері ақпараттық топпен бірлесіп, экстремизм мен киберқылмыстың алдын алу тақырыбында халықпен профилактикалық кездесу ұйымдастырды.
Іс-шараның мақсаты - жастар арасындағы құқық бұзушылықтардың алдын алу, киберкеңістікте құқықтық сауаттылықты арттыру, сондай-ақ экстремизмнің, кибербуллингтің және басқа да заманауи қауіптердің алдын алу. 
Кездесуге - ҰҚК ТҚО бөлімімен ПД экстремизмге қарсы іс-қимыл басқармасы, сондай-ақ этномәдени бірлестік мүшелері, жергілікті тұрғындар тұрғындар мен жастар қатысты.
Кездесу барысында жиналғандарға экстремизм мен діни-деструктивті ағымдардың зияны, интернет кеңістігінде балалар мен жастарды қорғау, кибербуллингтің салдары және оның алдын алу жолдары туралы түсіндірілді.
Сала мамандары, дінтанушылар мен полиция қызметкерлері өз тәжірибелерімен бөлісіп, пікір алмасты. Сонымен қатар ата-аналарға балаларының интернеттегі әрекеттерін бақылау және жастарды дұрыс тәрбиелеу қажеттілігі туралы ұсыныстар берілді. Кездесу ашық диалог форматында өтті, өзекті мәселелер талқыланып, қоғамдағы қауіпсіздікті арттыру бағыттары атап өтілді.

 

ҚР ҰҚК Алматы қаласы бойынша департаментінің
Терроризмге қарсы орталық бөлімі