Тараз станциясындағы желілік полиция бөлімінің кезекші қызметі мен алғашқы ден қою күштерімен террористік қатерлерге ден қою бойынша оқу сабағын өткізу туралы

2025 жылдың тамыз айында Тараз станциясындағы желілік полиция бөлімінің кезекші қызметі мен алғашқы ден қою күштерінің қатысуымен оқу сабағы өткізілді. Іс-шара құқық қорғау органдарын террористік қатерлер туындаған кездегі іс-қимылдарға дайындау жөніндегі жоспарлы іс-шаралар шеңберінде ұйымдастырылды.
Сабақтың мақсаты практикалық дағдыларды жетілдіру және терроризм актісін жасау мүмкіндігі туралы сигнал алған кезде қызметкерлердің іс-әрекетке дайындық деңгейін арттыру болды. Оқу іс-шарасы барысында «Терроризм актісі» жоспары бойынша әрекет ету алгоритмдері, қауіп-қатерді оқшаулау, азаматтарды эвакуациялау, объектіні қорғауды қамтамасыз ету және басқа құрылымдармен үйлестіру бойынша іс-шаралар пысықталды.
Жоғары террористік қауіп жағдайында бөлімшелер арасындағы жедел өзара іс-қимыл, байланысты ұйымдастыру және басқару мәселелеріне ерекше назар аударылды. Қатысушылар кәсіпқойлықтың жоғары деңгейін және белгіленген регламенттердің нақты сақталуын көрсетті.
Өткізілген сабақ өзара іс-қимылды ұйымдастырудағы жекелеген кемшіліктерді анықтауға және жоюға, сондай-ақ көлік инфрақұрылымы объектілерінде қауіпсіздікті қамтамасыз ету жөніндегі міндеттерді орындау кезінде қызметкерлердің практикалық дағдыларын нығайтуға мүмкіндік берді.

 

Материал Жамбыл облысы бойынша ҚР ҰҚК ТҚО бөлімінің ақпараты негізінде дайындалды