ЭЫДҰ Қазақстанның мемлекеттік органдарының парасаттылық деңгейіне шолу жасады

А.ж. 7-11 қараша аралығында ЭЫДҰ сарапшылар тобы Қазақстанның мемлекеттік органдарының парасаттылығына шолу жасады.

Бұл шолу Қазақстанның 2017 жылғы қаңтарда қабылданған ЭЫДҰ жария парасаттылық жөніндегі кеңестің ұсынымына қосылуға дайындығы жөніндегі міндеттердің бірі болып табылады.

5 күні ішінде ЭЫДҰ сарапшылары Сыбайлас жемқорлыққа қарсы іс-қимыл агенттігінің, Бас прокуратураның, Стратегиялық жоспарлау және реформалар жөніндегі агенттіктің, «Атамекен» ҰКП, Республикалық бюджеттің атқарылуын бақылау жөніндегі есеп комитетінің, Ақпарат және қоғамдық даму, мәдениет және спорт, ағарту, ғылым және жоғары білім, әділет министрліктерінің және бірқатар үкіметтік емес ұйымдардың өкілдерімен кездесті.

Кездесулер барысында мемлекеттік органдардың азаматтық қоғаммен өзара іс-қимылы, қоғамдық кеңестердің қызметі, мемлекеттік қызмет реформасы мәселелері талқыланды.

Кездесу қорытындысы бойынша ЭЫДҰ өкілдері мемлекеттік және квазимемлекеттік секторлардағы мүдделер қақтығысын болдырмау бойынша оқу семинарын өткізді. Семинарда сарапшылар сыбайлас жемқорлыққа қарсы іс-қимылда елеулі табыстары бар басқа елдердің тәжірибесі туралы егжей-тегжейлі айтып берді.

Жақын арада ЭЫДҰ сарапшылары мемлекеттік сектордағы әдеп бағыттары, жария парасаттылық жүйесін нығайту, қоғамға есептілікті арттыру және т.б. бойынша ұсынымдар әзірлейтін болады.

Парасаттылыққа шолу - бұл ЭЫДҰ-ның бастамасы, ол ЭЫДҰ-ның жемқорлықты дұрыс басқару және оған қарсы күрес саласындағы көптеген стандарттары, сондай-ақ басқа ұйымдар белгілеген кейбір стандарттар тұрғысынан елге шолу жасайды.

Қазақстанның зерттеуге қатысуы шешімдер қабылдаудың дәйекті және жан-жақты жүйесін, шенеуніктердің тиісті мәдениетін қалыптастыруға және мемлекеттік органдардың есептілігін қамтамасыз етуге ықпал етеді.

ЭЫДҰ-ның жария парасаттылық мәселелері бойынша ұсынымдарын орындау Қазақстанды осы ұйымға кіруге жақындатады.

ЭЫДҰ - өкілді демократия мен еркін нарықтық экономика қағидаттарын мойындайтын дамыған елдердің Халықаралық экономикалық ұйымы.