2021 жылғы Сыбайлас жемқорлыққа қарсы іс-қимыл туралы Ұлттық баяндама жарияланды

Құжаттың мақсаты қоғамды 2021 жылы Қазақстанның сыбайлас жемқорлыққа қарсы саясатын іске асыру нәтижелері туралы хабардар ету болып табылады.

Сыбайлас жемқорлыққа қарсы іс-қимыл жөніндегі уәкілетті органның, сондай-ақ басқа да мемлекеттік органдардың, квазимемлекеттік сектор субъектілері мен жұртшылықтың осы бағыттағы жұмысы баяндалды.

Сыбайлас жемқорлыққа қарсы ағарту, сыбайлас жемқорлықтың алдын алу, қоғаммен әріптестік, жауапкершіліктің бұлтартпастығы бойынша қабылданған заңнамалық және практикалық шаралар, сондай-ақ БҰҰ Сыбайлас жемқорлыққа қарсы Конвенциясының ережелерін, Еуропа ГРЕКО Кеңесінің басшылық қағидаттарын және ЭЫДҰ ұсынымдарын ескере отырып, сыбайлас жемқорлыққа қарсы саясатты одан әрі жетілдіру жөніндегі ұсыныстар ұсынылды.

Сондай-ақ, Қазақстанның сыбайлас жемқорлыққа қарсы саясат мәселелерінде халықаралық ынтымақтастық бойынша күш-жігері, сондай-ақ елде және әлемде сыбайлас жемқорлықты қабылдау деңгейін тәуелсіз бағалау қорытындылары көрініс тапты.

Ұлттық баяндамада Президенттің 2022 жылғы 2 ақпандағы Жарлығымен бекітілген Қазақстан Республикасында 2022-2026 жылдарға арналған сыбайлас жемқорлыққа қарсы саясат Тұжырымдамасына және оны іске асыру жөніндегі іс-қимыл жоспарына назар аударылды.

Құжат мемлекеттік қызметкерлерге, сарапшыларға, рейтингтік агенттіктерге, қоғам қайраткерлеріне, ғалымдарға және басқа да мүдделі тұлғаларға қызықты әрі пайдалы болады.

Ұлттық баяндаманың толық мәтінін мына сілтеме бойынша оқи аласыздар: https://www.gov.kz/memleket/entities/anticorruption/documents/details/283483?lang=kk