Республикалық сыбайлас жемқорлыққа қарсы тақырыптағы интеллектуалды викториналық ойын

2025 жылғы 25 сәуірде Жетісу облысы Жастарға қызмет көрсету орталығының көпфункционалды залында «Заң және тәртіп» қағидатын іске асыру шеңберінде Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметі) Жетісу облысы бойынша департаментінің ұйымдастыруымен «Жетісу облысының қоғамдық даму басқармасы» ММ-нің қолдауымен сыбайлас жемқорлыққа қарсы тақырыпта «Qazaqsha Mibattle» республикалық интеллектуалды викториналық ойыны өткізілді.

Бұл іс-шараның мақсаты жастарды сыбайлас жемқорлыққа қарсы мәдениетті қалыптастыруға белсенді түрде тарту, адалдық пен академиялық адалдық қағидаттарын тәрбиелеу және дамыту болды. Өскелең ұрпақтың сыбайлас жемқорлыққа қарсы білімі жастар арасында танымал белсенділік формаларын пайдаланумен қатар жүреді.

Қоғамда сыбайлас жемқорлыққа қарсы мәдениет пен адалдық қағидаттарын қалыптастыру елдегі сыбайлас жемқорлыққа қарсы тиімді іс-қимылдың негізгі элементі болып табылады. «Заң және тәртіп» наративі шеңберінде сыбайлас жемқорлыққа қарсы құндылықтар жеке тұлғаның дамуының барлық кезеңдерінде, балабақшалардан бастап жоғары оқу орындарына дейін енгізіледі.

Ойынға Алматы қаласы, Алматы, Шығыс Қазақстан, Абай және Жетісу облыстарының жоғары оқу орындарынан 15 команда қатысты. Интеллектуалды викториналық ойын қорытындысы бойынша қатысушыларға грамоталар мен ақшалай сертификаттар табысталды.