2025 жылғы 1 тоқсандағы сыбайлас жемқорлық тәуекелдерінің картасын іске асыру

2025 жылғы 23 сәуірде «Antikor Ortalygy» алаңында ҚР Сыбайлас жемқорлыққа қарсы іс-қимыл агенттігінің Жетысу облысы бойынша департаментінің басшысы С.К. Ахметжанов облыстың сыбайлас жемқорлық тәуекелдерінің картасын іске асыру бойынша брифинг өткізді. Тәуекелдер картасы халық үшін аса сезімтал салалардағы тәуекелдерді болдырмауға және бюджетке келтірілген залалды болдырмауға бағытталған.

Жетісу облысының сыбайлас жемқорлық тәуекелдерінің картасына 9 сала енгізілген: әлеуметтік сала, құрылыс және тұрғын үй, экология, жолдар мен инфрақұрылым, бизнес, фискалдық сала, проблемалық құрылыс объектілері, сейсмикалық қауіпсіздік және агроөнеркәсіптік кешен.

1-тоқсанда тәуекелдер картасының 9 саласының 6-сы қамтылды.

Білім беру саласында бюджет қаражатын ұрлауды барынша азайту жөнінде алдын алу шаралары қабылданды. «Фаворит» АЖ әзірлеушілерімен бірлесіп мобильді қосымшада жұмыс уақыты мен нақты қатысудың автоматтандырылған есебін қамтамасыз ететін мектеп қызметкерлеріне қатысудың электрондық QR-коды әзірленді және енгізілді. Осылайша, шамадан тыс аударымдар мен мектептерде «өлі жандардың» болу қаупі азаяды. Департаменттің бастамасы бойынша жүйе Талдықорған қаласындағы №18 мектепте тестіленеді.

Агроөнеркәсіптік салада жалдау мерзімі өткен 19 461,2 га пайдаланылмаған жер қайтарылды. Бұл жұмыс Мемлекет басшысының тапсырмасын орындау мақсатында жүргізілуде.

Жетісу облысы бойынша әлеуметтік салада мүгедектігі бар адамдарды жұмысқа орналастыру үшін 230 кәсіпорын мен ұйымда 633 жұмыс орны мөлшерінде 2025 жылға квота ұлғайтылды.

Сыбайлас жемқорлыққа қарсы комплаенс-қызметтер саласында медициналық мекемелердің басшылығы кредиторлық берешегі, лауазымдық айлықақылары мен басшы құрамға үстемеақылар мөлшерінің негізсіз ұлғаюы болған кезде қызметкерлерге сыйақы беру түріндегі жүйелі тәуекелдер үшін тәртіптік жауапкершілікке тартылды.

Бизнесті қорғау саласында 1 тоқсанда өңірдің 2 388 кәсіпкерінің құқықтары қорғалды.

Сыбайлас жемқорлық тәуекелдерінің картасын іске асыру бойынша жұмыс жалғасатын болады.