Облыстық психикалық денсаулық орталығы қызметкерлерімен кездесу өтті

Жамбыл облысы әкімдігінің денсаулық сақтау басқармасы Жамбыл облыстық психикалық денсаулық орталығының қызметкерлерімен кезекті профилактикалық кездесу ұйымдастырылды.

Іс-шараға ҚР Сыбайлас жемқорлыққа қарсы іс-қимыл агенттігінің Жамбыл облысы бойынша департаменті және Жамбыл облысы бойынша Полиция департаментінің өкілдері қатысты.

Кездесу барысында квазимемлекеттік мекемелердегі комплаенс қызметінің міндеттері, сыбайлас жемқорлық тәуекелдеріне жүргізілетін ішкі талдау жұмыстары, сондай-ақ алдын алу шаралары талқыланды. Сонымен қатар, ұжымның назарына сыбайлас жемқорлық құқық бұзушылықтары үшін қылмыстық және әкімшілік жауапкершілік, сондай-ақ, алаяқтық құқықбұзушылықтың салдары және оларға жол бермеу бойынша нұсқаулықтар жеткізілді.