Жамбылда «Заң және Тәртіп» апталығы аясында тұрғындарға заңгерлік көмек көрсету акциясы өткізілді

ҚР Президентінің тапсырмасына сәйкес «Заң және Тәртіп» идеологиясын жүзеге асыру аясында  23 маусым күні «Mart» ойын сауық-сауда орталығында тұрғындарға заңгерлік көмек көрсету акциясы өткізілді.

Акция барысында барлық құқық қорғау, жергілікті атқарушы және уәкілетті мемлекеттік органдардың қызметкерлері өңір тұрғындарын тыңдап, көмек көрсетті.

Акция мақсаты – азаматтардың құқықтарын қорғау, олардың мәселелерін шешу, сондай-ақ заңдылық пен құқық тәртібін нығайту. Акцияға дайындық барысында азаматтардың өтініштері зерттеліп, шығатын жұмыс топтарының нақты үйлестірілуі қамтамасыз етілді.