Бүкілқазақстандық ағаш отырғызу күніне қатысты!

 

 

 

 

   Ағымдағы жылдың 26 сәуірінде Жезқазған қаласында Мемлекет басшысының «Таза Қазақстан» бастамасын қолдау аясында Ұлы Жеңістің 80 жылдығы мен Қазақстан халқы Ассамблеясының 30 жылдығына арналған ауқымды көгалдандыру іс-шарасы өтті.
   Акцияның мақсаты- Жезқазғанның экологиялық жағдайын жақсарту, жасыл желектер қорын ұлғайту, халықтың мәдениеті мен табиғатқа деген көзқарасын арттыру.
   Акцияға құқық қорғау органдарының, мемлекеттік мекемелердің қызметкерлері, депутаттар мен діни бірлестіктер, ардагерлер мен жастар, сондай-ақ еріктілер белсенді қатысты.
   «Наурыз» саябағында 1200-ден астам ағаш және бұта көшеттері отырғызылды.
   Департамент акцияның барлық қатысушыларына алғысын білдіреді және қала тұрғындарын табиғатқа ұқыпты қарауға шақырады.

 

#Заң_мен_Тәртіп
#ЗАҢменТӘРТІП