Ұлытау облысында статистика саласында жемқорлық тәуекелдеріне жол бермеу мәселесі талқыланды

   Сыбайлас жемқорлыққа қарсы қызметтің Ұлытау облысы бойынша департаменті Ұлттық статистика бюросының өңірлік департаменті қызметкерлеріне дәріс өткізді.
​   Жиын барысында қызметкерлерге сыбайлас жемқорлыққа қарсы іс-қимыл саласындағы заңнама нормалары мен ондағы жаңашылдықтар таныстырылды. Превентивті шаралар мен жемқорлық үшін көзделген жауапкершілік туралы ақпарат жеткізілді.
​   Превенция басқармасының басшысы Қуанышбек Абишев алдын алу шараларының қоғамда жемқорлыққа төзбеушілікті қалыптастырудағы рөлін, «Заң мен Тәртіп» қағидатын сақтаудың маңыздылығын атап өтті.
​   Сондай-ақ, статистика саласында туындауы ықтимал жемқорлық тәуекелдері талқыланып, оларға жол бермеуге бағытталған ұсынымдар берілді.
​

 

#Заң_мен_Тәртіп
#ЗАҢменТӘРТІП