Кеңгірде «Сыбайлас жемқорлыққа қарсы мобильді топ» акциясы өтті

 

   Сыбайлас жемқорлыққа қарсы қызметтің Ұлытау облысы бойынша департаменті бастамасымен Кеңгір елді мекенінде «Сыбайлас жемқорлыққа қарсы мобильді топ» көшпелі акциясы өтті.
   Іс-шараға Департамент басшысының бірінші орынбасары Жаслан Хамитов, Превенция басқармасының басшысы Қуанышбек Абишев және Жезқазған қаласы әкімдігінің аппарат басшысы мен бөлім басшылары қатысты.
   Іс-шараның басты мақсаты – тұрғындардың құқықтық сауаттылығын арттыру, көкейкесті мәселелерді талқылау және тегін құқықтық көмек көрсету.
   Акцияға 50-ден астам азамат қатысып, мемлекеттік орган өкілдеріне тікелей сұрақтарын қойып, нақты жауаптар алды.
   Мұндай шаралар халықпен кері байланысты нығайтуға, адалдық мәдениетін қалыптастыруға және «Заң мен Тәртіп» қағидатын ілгерілетуге септігін тигізеді.

 

#Заң_мен_Тәртіп
#ЗАҢменТӘРТІП