Түркістанда 200 мыңнан аса оқушы «Мен үлгі тұтатын адал адам» тақырыбында эссе жазды

Түркістан облысы бойынша Сыбайлас жемқорлыққа қарсы қызметтің бастамасымен «Мен үлкен тұтатын адал адам» бірыңғай сағаттары өтті.

Аталған шарада 1049 білім беру ұйымдарындағы 7-11 сынып оқушылары эссе жазды.

210 мыңға жуық оқушы адалдық пен парасаттылық мәселелері бойынша өз ойлары мен идеяларын баяндай алды.

Іс-шара нәтижелері тәрбие сағаттарының, «Адал ұрпақ» клубтары жұмысының, сондай-ақ оқушылардың бойында адалдық, парасаттылық құндылықтарын қалыптастырудың маңыздылығын көрсетті.