«Заң мен тәртіп»: қалалық Сыбайлас жемқорлыққа қарсы қызмет басшысы болашақ полиция қызметкерлерімен кездесті

«Заң мен тәртіп» қағидатын нығайту мақсатында ҚР ІІМ Бауыржан Момышұлы атындағы Оқу орталығында қаланың Сыбайлас жемқорлыққа қарсы қызмет басшысы Қанат Сүлейменов оқу орнының курсанттарымен және оқытушыларымен кездесті.

Оқу орталығының 300-ден астам курсанттары сыбайлас жемқорлыққа қарсы іс-қимыл шеңберінде, оның ішінде жемқорлыққа қарсы іс-қимылдың алдын алу институттары арқылы жаңа білім мен дағдыларға ие болды.

Қылмыстық істерді тергеу барысында әшкереленген полицейлер қатарындағы түрлі сыбайлас жемқорлық схемалары, сондай-ақ олардың жасалу шарттары мен себептері туралы айтылды.

Құқық қорғау органдары қызметкерлерінің сыбайлас жемқорлық үшін жауапкершілігін күшейтуге байланысты заңнамалық жаңашылықтар қатысушылардың назарына жеткізілді.

Тек, соңғы 3 жылда ҚПК-нің 200-бабы шеңберінде қалалық полиция департаментіне 36 ұсыным енгізіліп, нәтижесінде 106 қызметкер тәртіптік жауапкершілікке тартылса, оның 47-сі жұмыстан босатылған.

Іс-шара соңында генерал Сүлейменов әрбір офицердің мінсіз қызмет етуінің маңыздылығына тоқталып, мемлекет пен қоғамның ерекше сенімін атап өтті.

Түрлі мақсатты топтар арасында тәрбие жұмысының маңыздылығын ескере отырып, мұндай іс-шаралар жалғасын табады.

#Заң_мен_Тәртіп
#ЗАҢменТӘРТІП