Ауыл шаруашылық саласындағы субсидияларды бөлу және алу кезінде сыбайлас жемқорлықтың туындау қаупі

2021 жылдың 26 мамырында облыстық сыбайлас жемқорлыққа қарсы қызметінің бастамасымен ауыл шаруашылығында субсидияларды бөлу және алу кезіндегі сыбайлас жемқорлықтың туындау қаупі бойынша сұрақтар талқыланды.

Іс-шара ауылшаруашылық тауар өндірішулерінің, ауыл шаруашылығы басқармасының және «Атамекен» аумақтық палатасының басшылығының қатысуымен өтті.

Кездесудің негізгі мақсаты фермерлерге мемлекеттік институттар қарамағынан тыс қалатын ауыл шаруашылық тауар өндірушілердің субсидия алу кезіндегі проблемалары туралы айтуға мүмкіндік беру және оларды шешуге барынша күш салу болды.

Қатысушылар конструктивті форматта ауылшаруашылық саласында туындайтын қиындықтарды талқылап, ведомствоаралық жұмыс тобын құру туралы шешім қабылдады.