Ертіс ауданындағы сыбайлас жемқорлыққа қарсы мобильді топ: құқықтық көмек және ашық диалог

"Заң мен тәртіп" қағидатын ілгеріту аясында Сыбайлас жемқорлыққа қарсы іс-қимыл агенттігінің Павлодар облысы бойынша департаменті мемлекеттік және құқық қорғау органдарының өкілдерімен, сондай-ақ сыбайлас жемқорлыққа қарсы волонтёр Қуат Шүкірбаевтың қатысуымен Ертіс ауданының тұрғындарымен кездесу өткізді.

Іс-шара «Жастар бастамаларын дамыту орталығы» алаңында өтті, онда сыбайлас жемқорлыққа қарсы мобильді топ ауданның 50-ден астам тұрғынына тегін заң көмегін көрсетті. Топ құрамына заң кеңесшілерінің  палатасының, адвокаттар алқасының, нотариустардың, жеке сот орындаушыларының, ішкі істер органдарының, білім бөлімінің, мансап орталығының және жергілікті атқарушы органдардың өкілдері кірді. Азаматтар мүліктік құқық, жұмысқа орналастыру және қамқоршылық және басқа да өзекті мәселелер бойынша кеңес алды.

Мобильді сыбайлас жемқорлыққа қарсы топтың сапарлары халықтың құқықтық сауаттылығын арттыруға, мемлекеттік органдарға деген сенімді нығайтуға және қоғамда сыбайлас жемқорлыққа қарсы мәдениетті қалыптастыруға ықпал етеді.

Мобильді топтың облыс бойынша шығулары бекітілген кестеге сәйкес тұрақты негізде жалғасатын болады.

 

#Заң_мен_Тәртіп   
#ЗАҢменТӘРТІП  

 

#Сыбайлас_жемқорлыққа_қарсы_мобилді_топ

 

Егер Сіз жемқорлық фактілеріне тап болжемқорлысаңыз, 1424 нөмірі арқылы немесе @antikorkz_bot Telegram-боты шұғыл хабарлаңыз!