«Заң мен тәртіп»: Заң бәріне бірдей

2025 жылғы 13 маусымында «Заң мен тәртіп» қағидатын нығайту шеңберінде Маңғыстау облысы бойынша Сыбайлас жемқорлыққа қарсы қызмет Көліктегі полиция департаментінің Маңғыстау станциясындағы желілік полиция бөлімі жеке құрамының қатысуымен семинар-кеңес өткізді.

Іс-шараға департамент өкілі Н.Мұқатай қатысты.

Өз сөзінде Н.Мұқатай құқық қорғау органдарының жұмысында және жалпы қоғам өмірінде «Заң мен тәртіп» қағидатын сақтаудың маңыздылығына назар аударды.

Кездесу барысында Қазақстан Республикасының 2022-2026 жылдарға арналған сыбайлас жемқорлыққа қарсы саясат Тұжырымдамасының негізгі аспектілері талқыланды. Тұжырымдамаға сәйкес, Қазақстан сыбайлас жемқорлыққа қарсы күрестің дәстүрлі әдістерінен қоғамдық санадағы жүйелі өзгерістерге көшуге бағытталған, онда сыбайлас жемқорлық пен непотизмнен бас тартуға, сондай-ақ алдын алу шараларының басымдығына ерекше назар аударылады.

Полиция қызметкерлері мұндай кездесулерге қолдау білдіріп, олардың құқық қорғау органдары мен қоғам арасындағы өзара іс-қимылды жақсартудағы маңыздылығын атап өтті.

Олар мұндай іс-шаралар біліктілікті арттыруға ғана емес, сонымен қатар сыбайлас жемқорлыққа қарсы тиімді күреске ықпал ететін моральдық бағдарларды нығайтуға көмектесетінін атап өтті.

 

#ЗАҢ_мен_ТӘРТІП

#ЗАҢменТӘРТІП