«Заң мен Тәртіп» идеологиясы аясында Қарағанды облысында «Ашық қабылдау» акциясы өтті

Қарағанды облысында «Заң мен Тәртіп» республикалық бастамасы аясында ұйымдастырылған «Ашық қабылдау» акциясы өтті.

Басты міндет — азаматтардың құқықтық санасын арттыру, халық пен мемлекеттік органдар арасындағы ашық диалогты қамтамасыз ету, сондай-ақ білікті заң көмегін көрсету.

Акция аясында облыс тұрғындары сыбайлас жемқорлыққа қарсы қызметтің және басқа да құқық қорғау және уәкілетті органдардың өкілдеріне тікелей жүгінуге мүмкіндік алды.

Азаматтарға тегін құқықтық көмек көрсетілді, құқықтарды қорғау тетіктері түсіндірілді, Сыбайлас жемқорлыққа қарсы заңнама мәселелері бойынша кеңес берілді.

Сыбайлас жемқорлыққа қарсы қызметтің қызметкерлері сыбайлас жемқорлық фактілері туралы қалай хабарлау, өтініш беру туралы егжей-тегжейлі түсіндірді, сондай-ақ 1424 тәулік бойы жұмыс істейтін Call-орталығының жұмысымен таныстырды.

Өтініш берушілер туралы ақпарат қатаң құпия және Қазақстан Республикасының заңнамасымен қорғалатынын атап өтті.

Мұндай көшпелі акцияларды өткізу құқықтық мәдениетті нығайтуға ықпал етеді, мемлекеттік билік институттарына сенім қалыптастырады және қоғамдағы сыбайлас жемқорлыққа төзбеушілік идеясын қолдайды.

#заң&тәртіп

#заңментәртіп

#законипорядок