БҚО-да стратегиялық маңызы бар объектінің құрылысы аяқталды

БҚО бойынша Cыбайлас жемқорлық қызметі ұзаққа созылған әлеуметтік нысандарды сүйемелдеу бойынша жұмысты жалғастыруда.

Жұмыстардың орындалу барысын тексере отырып, сол жерге бару жүйелі түрде жүзеге асырылады, құрылысты жеделдету процесін және құрылыс-монтаждау жұмыстарының кестесін орындауды талқылау бойынша тапсырыс берушілермен жұмыс кездесулері өткізіледі.

Ағымдағы жылы облыс әкімдігімен бірлескен күш-жігердің арқасында 3 ұзақ құрылыс нысаны тапсырылды.

Мұндай нысандардың қатарына «Орал жылу электр станциясындағы турбоагрегатты ауыстыру» кіреді. Орал ЖЭО республикада жабдықтардың тозуы бойынша үшінші орында тұр, оның көрсеткіші 80,5%-ды құрайды. Осыған байланысты ЖЭО жаңғырту және қалпына келтіру өңірдің энергиямен қамтамасыз етілуін жақсарту және энергиямен жабдықтау сенімділігін арттыру үшін стратегиялық маңызға ие.

Қазақстанның әлеуметтік-экономикалық дамуына әсер ететін стратегиялық маңызды объектінің құрылысын аяқтау қоғам мен ел экономикасының тұрақты дамуын қамтамасыз ету үшін маңызды қадам болып табылады.

Фото ашық дереккөзден.

#ЗАҢМменТӘРТІП