БҚО бойынша Антикор күрделі жөндеуді аяқтау кезінде көптеген бұзушылықтарды анықтады

Батыс Қазақстан облысы бойынша Сыбайлас жемқорлыққа қарсы қызмет әлеуметтік маңызы бар объектілердің құрылысын мониторингілеу барысында «Шыңғырлау ауданының балалар-жасөспірімдер спорт мектебі» КММ-нің ғимаратына аяқталмаған күрделі жөндеуді қабылдау фактісін анықтады.

Мониторинг барысында құрылыс-монтаждау жұмыстарының сапасыз орындалуы, металл қақпалардың болмауы; плиткаларды төсеу технологиясын сақтамау; су өлшегіш торапты орнату кезінде коррозияға қарсы іс-шаралар технологияларының бұзылуы; ғимараттың периметрі бойынша материалдың беттік бұзылуы бөлігінде және басқа кемшіліктер анықталды.

Департаменттің ұсынысымен «Шыңғырлау ауданының балалар-жасөспірімдер спорт мектебі» КММ-нің  тапсырыс берушісі ҚР ӘҚБтК-нің 312-бабы 1-бөлігі бойынша айыппұл түрінде әкімшілік жауапкершілікке тартылды.

Бүгінгі таңда күрделі жөндеу жұмыстары аяқталды.