Атырау облысы бойынша Сыбайлас жемқорлыққа қарсы қызмет Жылыой ауданының құрылысы ұзаққа созылған объектілеріне, жолдар мен әлеуметтік нысандарына мониторинг жүргізді
Атырау облысы бойынша Сыбайлас жемқорлыққа қарсы қызмет «Заң мен тәртіп» идеологиясын іске асыру шеңберінде күрделі құрылыс саласындағы ашықтықты арттыру және ықтимал сыбайлас жемқорлық көріністерінің алдын алу мақсатында еріктілердің қатысуымен құрылыс мерзімі бастапқыда белгіленгеннен едәуір асатын объектілерге қоғамдық мониторинг жүргізуге бастамашылық жасады.
Осыған байланысты Атырау облысы бойынша Сыбайлас жемқорлыққа қарсы қызметі басшысының бірінші орынбасары Нұрлан Жахин Жылыой ауданына жұмыс іс-сапарымен барды.
Шығу барысында ұзаққа созылған құрылыс сатысындағы әлеуметтік және инфрақұрылымдық маңызы бар объектілерге мониторинг жүргізілді. Құрылысына 2,5 млрд теңгеден астам қаражат бөлінген электрмен жабдықтау объектілеріне, Жаңа Қаратон ауылындағы 300 орындық мәдениет үйіне, жайлы мектептер, жолдар салуға ерекше назар аударылды.
Бұл объектілерді әлеуметтік мәселелерді шешудегі маңыздылығына байланысты облыстың Сыбайлас жемқорлыққа қарсы қызметі бақылауға алды. Электрмен жабдықтауды іске қосу тұрғын үй беруге, мектеп салуға қатысты мәселелерді шешуге мүмкіндік береді. Атап айтқанда, Құлсары қаласының Атырау шағын ауданында 800 тұрғын үй, 300 пәтер және 900 пәтер салуға жоспарланған, 1200 орындық жайлы мектеп электр жарығымен қамтамасыз етіледі.
Қазіргі уақытта нысанда материалдарды түзетуге жіберуге байланысты жұмыстар тоқтатылды. Нысан 82% аяқталды.
Мониторинг жүргізуге еріктілерден басқа, аудан әкімдігінің өкілдері, мердігерлер, техникалық қадағалау және т. б. қатысты.
Іс-шара барысында Нұрлан Жахин келісімшарттардың талаптарын сақтау, бюджет қаражатын жұмсаудың негізділігі, мердігер ұйымдардың міндеттемелерді орындау мерзімдері, сондай-ақ жобаларды жосықсыз басқару фактілерінің бар екендігін атап өтті.
Біздің міндетіміз — құрылысты кешіктірудің себептерін анықтап қана қоймай, болашақта осындай жағдайларды болдырмауға көмектесетін жүйелі шараларды ұсыну. Адамдар мектептерді, ауруханалар мен жолдарды уақытында және шарттарда белгіленген мерзімдерге сәйкес алуы керек. Шексіз түзетулер мен мерзімдерді кешіктірудің қажеті жоқ, - деп атап өтті Нұрлан Жахин.
#ЗАҢ_мен_ТӘРТІП
#ЗАҢменТӘРТІП