Астанада «Жастар сыбайлас жемқорлыққа қарсы» іс-шарасы өтті

Елордада Қазақстан Республикасының Астана қаласы бойынша Сыбайлас жемқорлыққа қарсы қызметі Л.Н.Гумилев атындағы Еуразия ұлттық университетімен, мемлекеттік органдар мен қоғамдық ұйымдардың өкілдерімен бірлесіп ұйымдастырған «Жастар сыбайлас жемқорлыққа қарсы» акциясы өткізілді.

Іс-шараның мақсаты – жастар арасында сыбайлас жемқорлыққа қарсы сананы қалыптастыру және құқықтық мәдениетті арттыру.

Диалог алаңы аясында қатысушылар Қазақстандағы сыбайлас жемқорлыққа қарсы жұмыстың қазіргі жай-күйін талқылап, жас ұрпақты осы процеске тартудың маңыздылығын атап өтті. «Сыбайлас жемқорлыққа қарсы іс-қимыл туралы» Заңға, сондай-ақ Қазақстан Республикасының 2022-2026 жылдарға арналған сыбайлас жемқорлыққа қарсы саясат Тұжырымдамасының ережелеріне ерекше назар аударылды. Бұл тұжырымдама сыбайлас жемқорлыққа қарсы шаралардың тиімділігін арттыруға және қоғамдағы сыбайлас жемқорлыққа нөлдік төзімділікті қалыптастыруға бағытталған.

Сөз сөйлеушілер сыбайлас жемқорлыққа қарсы мәдениет құқықтық тәрбие мен құқықтық сауаттылық деңгейін арттырудан басталатынын атап өтті. Өз құқықтарын білу, заңдарды білу және азаматтық жауапкершілікті дамыту жастарға заңсыз әрекеттерден аулақ болып қана қоймай, күнделікті өмірде сыбайлас жемқорлыққа белсенді қарсы тұруға көмектеседі.

Осылайша, мемлекеттің орнықты дамуы билік, әділдік және ашықтық институттарына сенімсіз мүмкін емес, ал жастардың бойында айқын құқықтық бағдарларды қалыптастыру — күшті, әділ және құқықтық Қазақстанды құрудың кепілі.