Департамент Т.Айбергенов атындағы № 16 орта мектеп мұғалімдеріне сыбайлас жемқорлыққа қарсы семинар өткізілді

Педагогикалық ұжымның білім беру саласындағы сыбайлас жемқорлық тәуекелдері, олардың салдары және олардың алдын алу әдістері туралы ақпараттандыру деңгейін арттыру мақсатында Департаментпен №16 орта мектеп мұғалімдеріне семинар өткізілді.

 Мұғалімдерге сыбайлас жемқорлыққа қарсы саясаттың білім беру ұйымдарына қатысты негізгі аспектілері түсіндірілді. Семинар барысында білім саласындағы сыбайлас жемқорлық құқық бұзушылықтар мысалдары қарастырылып, 2023 жылға арналған қылмыстық істер бойынша статистикалық мәліметтер ұсынылды.

Оқушылар арасында сыбайлас жемқорлыққа қарсы мәдениетті қалыптастыруға, сыбайлас жемқорлыққа қарсы құндылықтарды насихаттаудың тиімді әдістеріне және бұл үдерістегі мұғалімнің рөліне ерекше назар аударылды.

 «Оқушылардың дүниетанымын қалыптастыруда және олардың сыбайлас жемқорлықты жол берілмейтін құбылыс ретінде қабылдауында басты рөлді ұстаздар ойнайды, сондықтан мұғалімдердің сыбайлас жемқорлық тәуекелдерін жақсы білуі және осы бағытта тиімді жұмыс істей алуы маңызды», - деді дәріс жүргізуші.

Семинарға қатысушылар талқылауға белсене қатысып, өз тәжірибелерімен бөлісіп, білім беру ортасындағы сыбайлас жемқорлықпен күресу бойынша бірлескен жұмыстың жолдарын ұсынды.