Қазақстан Республикасы Ішкі Істер Министрлігінің Астана қаласының мамандандырылған күзет қызметі басқармасында сыбайлас жемқорлыққа қарсы іс-қимыл мәселелері бойынша семинар өтті.
Дәріс барысында Қазақстан Республикасындағы сыбайлас жемқорлыққа қарсы іс-қимылдың негізгі құқықтық қағидаттары бойынша түсіндіру жұмыстары жүргізілді. Сондай-ақ, сыбайлас жемқорлық фактілері туралы хабарлаған адамдардың құқықтарын қорғауға баса назар аударылды.
Бұдан басқа, жеке құрамға сыбайлас жемқорлыққа қарсы заңнамаға өзгерістер мен толықтырулар бойынша бейнеролик пен слайд-презентация көрсетілді. 2022-2026 жылдарға арналған сыбайлас жемқорлыққа қарсы саясат тұжырымдамасының негізгі бағыттары, сондай-ақ "Integrity check"пилоттық жобасының әрекет ету принциптері түсіндірілді.