«Elorda Eco System» кәсіпорнында сыбайлас жемқорлыққа қарсы бақылауды нығайту

«Заң мен тәртіп» қағидаты аясында Астана қаласы бойынша Сыбайлас жемқорлыққа қарсы қызмет «Elorda Eco System» кәсіпорнының директоры және комплаенс-офицерімен жұмыс кездесуін өткізді.

Кәсіпорындағы ашықтықты жетілдіру және ішкі бақылауды нығайту мәселелері басты назарда болды.

Нөсер кәрізін тексеру кезінде сәйкестік декларацияларын ресімдеу рәсімдеріне ерекше назар аударылды.

Қатысушылар құжаттаманың сапасымен анықталған қиындықтарды және су бұру объектілерінде техникалық жұмыстардың орындалуын бақылауды күшейту қажеттігін талқылады

Сонымен қатар, нөсерлі кәріз желісіндегі шаруашылық-нәжіс қалдықтарын заңсыз қосу және төгу мәселесі қозғалды. Мұндай бұзушылықтар жүйеге күтпеген жүктеме туғызады, бітелу мен өткізу қабілетінің бұзылуына әкеліп соғады, бұл сайып келгенде экологияға, әсіресе Есіл өзенінің су ресурстарына айтарлықтай зиян келтіреді.

Кездесу барысында, сондай-ақ сыбайлас жемқорлық тәуекелдерін азайтуға және қызметкерлердің кәсіби жауапкершілігін арттыруға бағытталған кәсіпорынның комплаенс-қызметін күшейту жөніндегі кадрлық өзгерістер мен шаралар талқыланды.

Астана қаласы бойынша Сыбайлас жемқорлыққа қарсы қызмет ынтымақтастықты жалғастыруға және сыбайлас жемқорлыққа қарсы бастамаларды іске асыруда жан-жақты әдістемелік қолдау көрсетуге дайын екенін растады.

#Заң_мен_Тәртіп
#ЗАҢменТӘРТІП
_
Егер Сіз жемқорлық фактілеріне тап болсаңыз, 1424 нөмірі арқылы немесе WhatsApp-чат-бот: 8 777 000 1424 арқылы шұғыл хабарлаңыз.