Заң мен тәртіп: қорғаныс саласындағы құқық бұзушылықтарды алдын алу

Қорғаныс құрылымдарының қызметкерлері арасында сыбайлас жемқорлыққа қарсы ағарту деңгейін арттыру және сыбайлас жемқорлыққа тұрақты төзбеушілікті қалыптастыру мақсатында Қорғаныс істері жөніндегі бірлескен басқармада Қазақстан Республикасы Сыбайлас жемқорлыққа қарсы іс-қимыл Агенттігінің Астана қаласы бойынша департаментінің ұйымдастыруымен дәріс өтті.

Департаменттің Превенция басқармасының аға офицері Әмір Нұриев баяндама жасады. Іс-шара барысында ол мемлекеттік сыбайлас жемқорлыққа қарсы саясаттың өзекті аспектілерін, сыбайлас жемқорлық құқық бұзушылықтардың құқықтық салдарын, сондай-ақ мемлекеттік сектордағы сыбайлас жемқорлықтың алдын алу практикасын егжей-тегжейлі атап өтті.

Мемлекеттік қызметшілер мен әскери қызметшілердің қызметтік міндеттерін атқару кезінде қызметтік әдеп пен жеке жауапкершілікті нығайтудағы рөліне ерекше назар аударылды.

Кездесу форматы қатысушыларға өздерін қызықтырған мәселелер бойынша түсініктемелер алуға және қорғаныс саласының өкілдері тап болуы мүмкін практикалық жағдайларды талқылауға мүмкіндік берді.