Сыбайлас жемқорлыққа қарсы қызметтің Ақмола облысы бойынша кәсіпкерлердің құқықтарын қорғау бойынша жұмысты жалғастыруда

Ағымдағы жылдың 24 сәуірінде «Бизнеске жол» жобасын іске асыру және «Заң мен тәртіп» қағидатын ілгерілету шеңберінде ҚР Сыбайлас жемқорлыққа қарсы іс-қимыл агенттігінің Ақмола облысы бойынша департаменті Бұланды ауданының бизнес өкілдерімен кездесу ұйымдастырды.

Іс-шараға Сыбайлас жемқорлыққа қарсы қызметтің Ақмола облысы бойынша, кәсіпкерлер палатасының, білім беру, санитарлық бақылау бөлімінің, ата-аналар комитетінің және аудандық мәслихаттың өкілдері қатысты.

Кездесу барысында Макинск қаласының мектеп-лицейінде оқушыларды тамақтандыруды ұйымдастыру мәселесі бойынша жеке кәсіпкердің өтініші қаралды.

Кеңес қорытындысы бойынша кәсіпкерлік қызметті жүргізуге кедергі келтіретін әкімшілік кедергілерді жою бойынша ұсынымдар дайындалды.

 

#Заң_мен_Тәртіп #ЗАҢменТӘРТІП