Мемлекеттік сектордағы сыбайлас жемқорлыққа қарсы мәдениет: мемлекеттік кірістер басқармасының қызметкерлерімен кездесу

Ағымдағы жылдың 17 сәуірінде Көкшетау қаласы бойынша Мемлекеттік кірістер басқармасында сыбайлас жемқорлыққа қарсы іс-қимыл және мемлекеттік қызметтің этикалық стандарттарын нығайту мәселелеріне арналған ақпараттық-түсіндіру кездесуі өтті.

Іс-шараны Сыбайлас жемқорлыққа қарсы қызметтің Ақмола облысы бойынша департаменті «Заң мен тәртіп» тұжырымдамасын іске асыру және мемлекеттік органдарда сыбайлас жемқорлық көріністерінің алдын алу шеңберінде ұйымдастырды.

Кездесу барысында Департамент қызметкері Аманжол Құсайынов қатысушыларды сыбайлас жемқорлыққа қарсы заңнамадағы өзекті өзгерістермен таныстырды, мүдделер қақтығысы және лауазымдық өкілеттіктерді теріс пайдалану мәселелері бойынша түсіндірме берді, сондай-ақ сыбайлас жемқорлық құқық бұзушылық жасауға итермелеу әрекеттері кезіндегі іс-қимыл алгоритмін ұсынды.

Бұдан басқа, мемлекеттік кірістер органдарының қызметінде туындайтын негізгі сыбайлас жемқорлық тәуекелдері, оларды анықтау және жолын кесу әдістері, сондай-ақ ішкі бақылау мен мониторингтің қолданыстағы тетіктері қаралды.

Соңында спикер қызметкерлердің жеке сатылмауы азаматтардың мемлекеттік органдарға деген сенімінің негізі болып табылатынын атап өтті.

 

#Заң_мен_Тәртіп #ЗАҢменТӘРТІП