Ақмола облысында «AntiParaCraft» Сыбайлас жемқорлыққа қарсы ойынының бесінші маусымының финалы өтті

«Заң мен тәртіп» идеологиясын ілгерілету және жастар арасында сыбайлас жемқорлыққа нөлдік төзімділікті қалыптастыру мақсатында Шоқан Уәлиханов атындағы Көкшетау университетінің базасында «AntiParaCraft» Республикалық Сыбайлас жемқорлыққа қарсы квест-ойынының бесінші маусымының финалы өтті.

Іс-шараға Сыбайлас жемқорлыққа қарсы қызметтің Ақмола облысы бойынша департаменті басшысының бірінші орынбасары Сағыныш Аяғанова, жастар ресурстық орталығы мен «Жастар рухы» жастар қанатының өкілдері, сондай-ақ университеттің білім беру бағдарламалары студенттерінің командалары қатысты.

Іс-шара барысында қатысушылар сыбайлас жемқорлықтың өзекті мәселелерін шешуге дайындық пен қызығушылықтың жоғары деңгейін көрсетті, командалар визит карточкаларын ұсынды, ал капитандар өздерінің сыбайлас жемқорлыққа қарсы жобаларын қорғады.

«Студенттер - денсаулық сақтау, білім беру, құрылыс және құқықтану саласындағы болашақ мамандар сыбайлас жемқорлықтың әлеуметтік маңызы бар салалар үшін жағымсыз салдарын терең түсініп, көрсете алды» - деп атап өтті Сағыныш Аяғанова.

Ойын қорытындысы бойынша қатысушылар естелік сыйлықтармен марапатталған «ПАРАЦЕЛЬС» Көкшетау жоғары медициналық колледжі студенттерінің командасы үздік атанды.

 

#Заң_мен_Тәртіп #ЗАҢменТӘРТІП