Алматы қаласында Қазақстан халқының бірлігі күніне орай діни бірлестік өкілдерімен кездесу өтті

Қазақстан халқының бірлігі күні қарсаңында Алматы қаласының Сыбайлас жемқорлыққа қарсы қызметімен «Заң мен тәртіп» нарративін ілгерілету мақсатында діни бірлестік өкілдерімен кездесу өткізілді.

Іс-шара Қазақстан Республикасы Президентінің 2022 жылғы 2 ақпандағы Жарлығымен бекітілген 2022–2026 жылдарға арналған Сыбайлас жемқорлыққа қарсы саясат тұжырымдамасын іске асыру аясында ұйымдастырылды.

Тұжырымдаманы іске асырудың негізгі тетіктерінің бірі – халық арасында сыбайлас жемқорлыққа қарсы дүниетанымды қалыптастыруға бағытталған ақпараттық-түсіндіру жұмысы.

«Заң және тәртіп» нарративінің мақсаты, міндеттері мен іске асыру тетіктері туралы қатысушыларға Алматы қаласы Сыбайлас жемқорлыққа қарсы қызметінің превенция басқармасының басшысы Канат Салимбаев түсіндірме жасады. Ол заңдылық пен қоғамдық тәртіп қағидаттарын ілгерілету мемлекет органдарының, азаматтық қоғам институттарының және рухани ұйымдардың күш-жігерін біріктіруді қажет ететінін атап өтті. Сонымен қатар азаматтардың құқыққа құрметпен қарауын қалыптастыру, заңға бағыну мәдениетін дамыту және кез келген сыбайлас жемқорлық көрінісіне төзбеушілікті нығайту мәселелеріне ерекше назар аударылды.

Діни қауымдастық өкілдері сыбайлас жемқорлыққа қарсы күрес – бұл тек құқықтық емес, сонымен қатар моральдық міндет екенін атап өтті. Бұл міндетті шешу мемлекет, қоғам және діни институттар арасындағы күш-жігерді біріктіруді талап етеді.

Кездесу қорытындысы бойынша қоғамда сыбайлас жемқорлыққа қарсы ұстанымдарды нығайтуға бағытталған бірлескен дәрістер, семинарлар мен ағартушылық іс-шараларды өткізу арқылы одан әрі ынтымақтастық орнату жөнінде келісімге қол жеткізілді.