Алматыда жер қатынастары саласында жүйелі шаралар қабылданатын болады

Алматыда жер қатынастары саласында жүйелі шаралар қабылданатын болады

Алматы қаласының Сыбайлас жемқорлыққа қарсы қызметі жер ресурстарын басқару саласында бақылау-қадағалау функцияларын жүзеге асыратын мемлекеттік органмен сыбайлас жемқорлыққа қарсы іс-қимыл мәселелері бойынша өзара ынтымақтастық туралы келісімге қол қойды.

 Алматы қаласы Жер ресурстарын басқару департаменті өз қызметін жыл басынан бері жер қатынастары саласында жинақталған мәселелерді шешу үшін бастады.

Енді меморандум аясында тараптар ақпарат алмасып, бірлескен іс-шаралар өткізіп, сыбайлас жемқорлық тәуекелдеріне мониторинг пен талдау жүргізетін болады.

Сыбайлас жемқорлыққа қарсы қызмет атап өткендей, жер қатынастары саласы мегаполистің сыбайлас жемқорлық тәуекелдерінің картасына сәйкес сыбайлас жемқорлыққа аса бейім болып табылады. Атап айтқанда, учаскелерді бөлу мәселелерінде бірқатар белгілі бір тәуекелдер бар.

 "Алматы қаласының сыбайлас жемқорлық тәуекелдерінің картасы жер саласында жүйелі шешуді талап ететін күрделі проблемалардың бар екенін көрсетеді. Меморандумға қол қою - әкімшілік кедергілердің болуына және процестердің ашық еместігіне байланысты шешімін таппайтын осы саладағы өзекті мәселелерді жоюға мүмкіндік береді",-деп Алматы қаласының Сыбайлас жемқорлыққа қарсы қызметінің басшысы Асхат Оразхан атап өтті.