Болашақ педагогтармен «Заң және Тәртіп» идеологиясы аясында кездесу өтті

«Заң мен Тәртіп» идеологиясын ілгерілету аясында Қазақстан Республикасы Сыбайлас жемқорлыққа қарсы іс-қимыл агенттігінің Ақтөбе облысы бойынша департаменті білім беру саласындағы болашақ мамандарда сыбайлас жемқорлыққа қарсы көзқарастарды қалыптастыруға бағытталған алдын алу іс-шаралары кешенін жүзеге асыруды жалғастыруда.

Кезекті кездесу «Мектепке дейінгі тәрбие» және «Бастауыш білім беру» бағыттары бойынша оқитын студенттермен өтті. Іс-шараға Департамент қызметкерлері мен сыбайлас жемқорлыққа қарсы волонтер қатысты.

Ашық диалог барысында қатысушылар білім беру ортасында құқықтық мәдениетті қалыптастыру, өскелең ұрпақта сыбайлас жемқорлыққа қарсы дүниетанымды тәрбиелеудегі педагогтардың рөлі, сондай-ақ кәсіби мінез-құлықтың негізгі бағдарлары ретінде жеке адалдық пен жауапкершілік қағидаларын талқылады.

«Заң және Тәртіп» идеологиясының ажырамас компоненттері ретінде заңдылықтың, әділдіктің және сыбайлас жемқорлықтың кез келген көріністеріне төзбеушіліктің маңызына ерекше назар аударылды.

Департамент әртүрлі салалардың болашақ мамандарымен профилактикалық жұмысты тұрақты негізде жалғастырады.