ЗАҢ МЕН ТӘРТІП: Ақтөбе облысында «Халық заңгері» республикалық акциясы өтті

2025 жылғы 30 мамырда Ақтөбе облысы аумағында «Халық заңгері» республикалық әлеуметтік акциясы өтті. Іс-шара «Заң мен тәртіп» жобасы аясында ұйымдастырылып, халықтың құқықтық сауаттылығын арттыруға, сондай-ақ азаматтарға тегін заңгерлік көмек көрсетуге бағытталды.

Акцияға Қазақстан Республикасының Сыбайлас жемқорлыққа қарсы іс-қимыл агенттігі, Әділет министрлігі, мемлекеттік билік органдары, Республикалық адвокаттар алқасы, сондай-ақ еліміздің жетекші заңгерлері, адвокаттары мен құқықтық сарапшылары қатысты.

Агенттіктің Ақтөбе облысы бойынша Сыбайлас жемқорлыққа қарсы іс-қимыл департаментінің басшысы Талғат Башев акцияға қатысты. Іс-шара барысында ол азаматтарды жеке қабылдап, сұрақтарына жауап берді және өзекті құқықтық тақырыптар бойынша түсініктемелер берді.

Азаматтарды қабылдау және заңгерлік консультациялар Ақтөбе қаласы мен облыстың 12 ауданында өтті. Мемлекеттік органдардың өкілдері құқық саласындағы сарапшылармен бірлесіп, азаматтарға тұрғын үй, жер, еңбек, әкімшілік және әлеуметтік заңнама мәселелері бойынша кеңестер берді.

Көптеген азаматтар жеке істерімен және қажетті құжаттармен жүгінді, бұл мамандарға толық әрі сапалы құқықтық ұсыныстар беруге мүмкіндік берді.

«Халық заңгері» бастамасы өз тиімділігі мен өзектілігін тағы да дәлелдеді. Ол көптеген азаматтарға білікті көмек алуға, құқықтық сауаттылық деңгейін арттыруға және мемлекеттік институттарға деген сенімді нығайтуға мүмкіндік берді.

#Заң_мен_Тәртіп

#ЗАҢменТӘРТІП